हेटौँडाः धादिङ जिल्लाको महादेवबेशी गाउँपालिका–२, थाक्रेमा प्रहरी हवल्दारको मृत्यु भएको छ । मृत्यु हुनेमा झापा जिल्लाको झापा गाउँपालिका–१, घर भएका ४२ वर्षीय बरिष्ठ प्रहरी हवल्दार शेरबहादुर कोच रहेको बागमती प्रदेश प्रहरी कार्यालय हेटौँडाले जनाएको छ ।
शेर बहादुर प्रहरी चौकी साधभञ्ज्याङ दरबन्दी भई प्रहरी चौकी महादेवबेशीमा कार्यरत थिए । शनिबार बिहान ६ बजेको गस्ती डिउटी सकेर बिहान कार्यालयमा आई सुतेकोमा १० बजे खाना खान बोलाउन जाँदा शेरबहादुर मृत फेला परेका थिए । शव पोष्टमार्टमका लागि काठमाडौंस्थित शिक्षण अस्पताल पठाइएको प्रहरीले जानाएको छ ।
