हेटौँडाः राष्ट्रिय स्वतन्त्र पार्टी (रास्वप्रा) मकवानपुरले हेटौँडा अस्पताल परिसरमा वृक्षरोपण गरेको छ । शुक्रबार पार्टीको स्थापना दिवसको अवसरमा देशव्यापी सुरु सप्ताहव्यापी कार्यक्रम अन्तर्गत अस्पताल परिसरमा वृक्षरोपण गरिरएको रास्वपा मकवानपुरका सभापति भरत पराजुलीले बताउनुभयो ।
अस्पताल परिसरमा अक्सिजन बढी प्रदान गर्ने कपुरको बिरुवा रोपिएको सभापति पराजुलीले बताउनुभयो । सप्ताहव्यापी कार्यक्रम अन्तर्गत भोलि शनिबार हेटौंडा–३ र १९ नम्बर वडामा वडा सम्मेलनको आयोजना गरिने उहाँले बताउनुभयो । यस्तै ३ गते हेटौँडा अस्पताल परिसरमा सरसफाइ गर्ने, ४ गते पार्टीभित्र अन्तरक्रिया गर्ने र ५ गते बुद्धचोेकमा रक्तदान कार्यक्रमको आयोजना गरिने उहाँले बताउनुभयो ।
