हेटौंडाः नेपालमा कोरोना संक्रमित हुने मानिसको संख्या ५०७ पुगेको छ । आज बिहान र दिउँसो गरी ५० जना नयाँ संक्रमित थपिएसँगै नेपालमा कोरोना संक्रमितको संख्या ५०७ पुगेको हो । संक्रमित मध्ये पुरुष ४३३ जना र महिला ७४ जना रहेका छन् ।
आज बिहान ३० जना र केहीबेर अघि नियमित पत्रकार सम्मेलनमा २० जना नयाँ संक्रमित पहिचान भएको स्वास्थ्य तथा जनसंख्या मन्त्रालयले जानकारी दिएको हो । संक्रमित मध्ये आज मात्रै २१ जना कोरोना भाइरसको संक्रमणबाट मुक्त भई घर फकिएका छन् । हालसम्म कोरोना भाइरसबाट संक्रमित भएका ७० जना निको भइसकेका छन् भने ३ जनाको ज्यान गएको छ ।
