हेटौँडाः हेटौँडा–१५, रातोमाटेस्थित प्रहरी चेकपोष्टबाट लागुऔषध गाँजासहित एकजना मानिस पक्राउ परेका छन् । पक्राउ पर्नेमा हेटौँडा–१५ पारिश्रमिक टोलका ४० वर्षीय राम थापा रहेको प्रदेश प्रहरी कार्यालय हेटौँडाले जानकारी दिएको छ ।
विशेष सुचनाको आधारमा बुधबार बिहान १० बजेको समयमा थापाको घरमा प्रहरीले खनतलासी गर्दा २ किलो ५ सय ग्राम लागुऔषध गाँजा फेला परेको प्रहरीले जनाएको छ । प्रहरीले बरामद गाँजासहित थापालाई नियन्त्रणमा लिई थप अनुसन्धान गरिरहेको जानकारी दिएको छ ।
