हेटौँडाः हेटौँडा–८, कमाने कर्नावती मार्गमा दुईवटा मोटरसाइकल एकआपसमा ठोक्किँदा ४ जना घाइते भएका छन् । एक जनाको अवस्था गम्भीर रहेको प्रहरीले जानारी दिएको छ । सोमबार राती ११ बजेर ५५ मिनेटको समयमा क्याम्पाडाँडाबाट मिलनचोकतर्फ जाँदै गरेको बागमती प्रदेश ०३–००३ प ९२९४ नम्बरको मोटरसाइकल र विपरित दिशाबाट आउँदै गरेको ना २५ प २७६५ नम्बरको मोटरसाइकल ठोक्किएको दुर्घटना भएको जिल्ला प्रहरी कार्यालय मकवानपुरका प्रहरी प्रवक्ता टेक बहादुर कार्कीले जानकारी दिनु भएको छ ।
दुर्घटनामा परी ९२९४ नम्बरको मोटरसाइकल चालक हेटौँडा–८, कमानेका २८ वर्षीय यज्ञप्रसाद चौलागाई, सोही मोटरसाइकलमा सवार हेटौँडा–८ का २३ वर्षीय मंगल राई, २७६५ नम्बरको मोटरसाइकल चालक हेटौँडा–१५ बस्ने ३४ वर्षीय शिव थापा र मोटरसाइकलमा सवार हेटौँडा–२ संगम टोल बस्ने ५५ वर्षीय उत्तरसिं दोङ रहेको मकवानपुर प्रवक्ता कार्कीले जानकारी दिनुभयो । २७६५ नम्बरको मोटरसाइकलमा सवार दोङको टाउकोमा चोट रहेको र अवस्था गम्भीर रहेको जनाइएको छ । गम्भीर घाइते दोङलाई थप उपचारका लागि भरतपुर पठाइएको कार्कीले जानकारी दिनुभयो । घाइते तीन जनाको हेटौँडा अस्पतालमा उपचार भइरहेको छ ।
