हेटौँडाः मकवानपुरको थाहा नगरपालिका–६, बज्रबाराहीस्थित बज्रबाराही माविले सर्वोत्कृष्ट विद्यार्थीलाई सम्मान गरेको छ । स्थानीय कृष्ण बहादुर सिंह ठकुरीले स्थापना गर्नुभएको “ऋषि कुमारी तथा विष्णुकुमारी स्मृति अक्षयकोष–२०७२” बाट अक्षयकोषबाट कक्षा ८ मा सर्वोत्कृष्ट हुने मनोज कुमार वाईबा, इसइइमा सर्वोत्कृष्ट हुने सबिना घलान र कक्षा १२ मा सर्वोत्कृष्ट हुने सिम्रन गोपालीलाई छात्रवृत्ति वितरण गरिएको हो ।
विद्यालयको मासिक परीक्षाको नतिजा प्रकाशनको अवसरमा शुक्रबार विद्यार्थीलाई पुरस्कार वितरण, चित्रकला, हस्तलेखन प्रतियोगिताको पुरस्कार वितरणको कार्य समेत भएको छ । विद्यालयमा अध्ययनरत दलित तथा छात्रा छात्रवृत्ति वितरण समेत भएको छ । विद्यालयका प्रधानाध्यापक रमेशमान डंगोलको सभाध्यक्षता तथा विद्यालय व्यवस्थापन समितिका सदस्य पुरुषोत्तम बिडारीको प्रमुख आतिथ्य तथा अक्षयकोषका प्रतिनिधि श्यामराजा सिंह ठकुरीको विशिष्ट आतिथ्यमा कार्यक्रम भएको हो ।
