हेटौँडाः धादिङ जिल्लाको बेनिघाट रोराङ गाउँपालिका–५, चारधारेमा मोटरसाइकल र स्कुटर आपसमा ठोक्कीदा एक जनको मृत्यु भएको छ । मृत्यु हुनेमा धादिङ नगरपालिका–५, खाल्डे बस्ने ३५ वर्षीय गोबिन्द ढुङगाना रहेको बागमती प्रदेश प्रहरी कार्यालय हेटौंडाले जानकारी दिएको छ ।
बुधबार पृथ्वीलोकमार्गमा मलेखुबाट मुग्लिङ तर्फ जाँदै गरेको ना १६ प २६२१ नम्वरको माटरसाइकलले र सोही दिशातर्फ गई बाटो क्रस गर्दै गरेको बा.प्र.०२–०१६प २१३९ नम्वरको स्कुटर एक–आपसमा ठोक्कीदा दुर्घटना भएको हो । दुर्घटनामा ३ जना घाइते भएका थिए । घाइतेहरु मोटरसाइकल चालक हेटौडा–११ बस्ने ३७ वर्षीय मोहन बहादुर दुलाल, पछाडि सवार निजको छोरी १५ वर्षीया जेनिशा दुलाल र २८ वर्षीय प्रतिक्षा हुमागाई ढुङगाना सामान्य घाइते रहेको प्रहरीले जानकारी दिएको छ । स्कुटर चालक गोबिन्द ढुङगाना बि.एण्ड बि. अस्पताल उपचारको क्रममा मृत्यु भएको थियो ।
