हेटौँडाः सिन्धुली जिल्लाको कमलामाई नगरपालिका–७, गढौलीमा रुखको हाँगाले लागेर एक जनाको मृत्यु भएको छ । मृत्यु हुने ६९ वर्षीय मान बहादुर लामा रहेको बागमती प्रदेश प्रहरी कार्यालय हेटौँडाले जानकारी दिएको छ ।
मंगलबार बिहान ७ बजेको समयमा घरबाट डेढ किलोमिटर पूर्वतर्फ रहेको वनमा रुख ढाल्ने क्रममा हाँगाले लाग्दा लामा घाइते भएका थिए । घाइते लामालाई उपचारका लागि जिल्ला अस्पताल लगिएकोमा उपचारको क्रममा मृत्यु भएको प्रहरीले जनाएको छ ।
