हेटौँडाः काभ्रेपलाञ्चोक बनेपा नगरपालिका–१३ मा निसान गाडीले ठक्कर दिँदा एकजना पैदल यात्रीको मृत्यु भएको छ । मृत्यु हुनेमा काभ्रेपलाञ्चोक तिमाल गाउँपालिका–९ घर भई हाल नासिका मन्दिर नजिकै डेरा गरी बस्ने ७० वर्षीय छेवाङ तामाङ रहेको बागमती प्रदेश प्रहरी कार्यालय हेटौँडाले जानकारी दिएको छ ।
मंगलबार साँगाबाट बनेपा जाँदै गरेको बा ४ ख ४२९४ नम्बरको निसान गाडीले ठक्कर दिँदा तामाङ गम्भीर घाइते भएका थिए । घाइते तामाङलाई उपचारका लागि शिर मेमोरियल अस्पताल बनेपा लगिएकोमा ८ बजेर १५ मिनेटको समयमा मृत्यु भएको प्रहरीले जनाएको छ ।
