हेटौंडाः हेटौंडा उपमहानगरपालिकाका १९ मध्ये १३ वटा वडामा आज एकसाथ नियमित खोप कार्यक्रम सञ्चालन हुँदैछ । आज बिहिबार वडा नम्बर १, २, ३, ६, ८, १०, १२, १४, १५, १६, १७, १८ र १९ नम्बर वडामा खोप कार्यक्रम सञ्चालन हुँदैछ । खोप केन्द्रमा स्वास्थ्य स्वयम्सेविकाहरुले पीपीई लगाएर खोप कार्यक्रम सञ्चालन गरिरहेका छन् ।
कोरोना भाइरस (कोभिड–१९) को संक्रमणको जोखिमका कारण चैत र बैशाख महिनामा रोकिएको खोप कार्यक्रम जेठ १ गतेबाट सुरु भएको हो । २ वर्षभन्दा कम उमेरका बालबालिकालाई विभिन्न आठ प्रकारका खोप लगाउने कार्यलाई नेपाल सरकारले नियमित खोप कार्यक्रमको रुपमा समावेश गरेको छ । हेटौंडा उपमहानगरपालिकाका सबै वडामा खोप केन्द्र स्थापना गरिएको छ भने ९३ जना स्वास्थ्य स्वयम्सेविका खोप कार्यक्रममा खटिएका छन् ।
