हेटौँडाः हेटौँडा उपमहानगरपालिका–६, चुच्चेखोलास्थित कान्तिलोकपथ सडकखण्डमा ट्याक्टरको ठक्करबाट मोटरसाइकल चालक गम्भीर घाइते भएका छन् । बिहिबार राती ९ बजेर १५ मिनेटमा भित्री बाटोबाट मुख्य सडकमा निस्कँदै गरेको ना ४ त ६९३९ नम्बरको ट्याक्टर र चौघडा बजार तर्फबाट चुच्चेखोलातर्फ जाँदै गरेको ना २० प ५४७९ नम्बरको मोटरसाइकल आपसमा ठोकिँदा दुर्घटना भएको हो ।
दुर्घटनामा घाइते हुनेमा चुच्चेखोलाका २७ वर्षीय रञ्जित फुयाँल रहेको जिल्ला प्रहरी कार्यालय मकवानपुरले जनाएको छ । घाइते फुयाँलको उपचारका लागि हेटौँडा अस्पताल लगिएको थियो । अवस्था गम्भीर भएपछि फुयाँललाई थप उपचारका लागि नयाँ मेडिकल कलेज भरतपुर पठाइएको छ । मोटरसाइकल र ट्याक्टर नियन्त्रणमा रहेको तर ट्याक्टर चालक फरार रहेको प्रहरीले जनाएको छ ।
