हेटौँडाः सिन्धुली जिल्लाको दुधौली नगरपालिका–१, कुर्थौलीमा सर्पले टोकेर दुई जना दाजुभाइको मृत्यु भएको छ । मृत्यु हुनेमा सोही स्थानका १३ वर्षीय ग्रिस पहाडी र उनका भाइ ३ वर्षीय ग्रिस्म पहाडी रहेको बागमती प्रदेश प्रहरी कार्यालय हेटौँडाले जानकारी दिएको छ ।
सोमबार राती सुतिरहेका बेला ओछ्यानमै सर्पले टोकेर छटपटाई रहेको अवस्थामा ग्रिस र गिस्म फेला परेका थिए । उनीहरुलाई उपचारका लागि जानकी हेल्थ केयर अस्पताल जनकपुर लगिएको थियो । उपचारको क्रममा मंगलबार बिहान ८ बजे डाक्टरले मृत घोषणा गरेको प्रहरीले जानकारी दिएको छ ।
