हेटौँडाः मंगलबारबाट कक्षा ११ को वार्षिक परीक्षा सुरु भएको छ । हेटौँडा–२ स्थित मकवानपुर बहुमुखी क्याम्पस र हेटौँडा–४ स्थित हेटौँडा स्कूल अफ म्यानेजमेन्टले कक्षा ११ को वार्षिक परीक्षा सुरु गरेको हो ।
मकवानपुर बहुमुखी क्याम्पस र हेटौँडा स्कूल अफ म्यानेजमेन्टमा गरी २ हजार ६ सय विद्यार्थी परीक्षामा सहभागी छन् । हेटौँडा–४ स्थित हेटौँडा क्याम्पसले भने बुधबारबाट वार्षिक परीक्षा सुरु गर्दैछ । अहिले सम्बन्धित विद्यालयले नै वार्षिक परीक्षा सञ्चालन गर्ने व्यवस्था गरिएको छ । यसअघि कक्षा १२ को वार्षिक परीक्षा जेठ ५ गते सम्पन्न भएको छ । कक्षा १२ को वार्षिक परीक्षा भने राष्ट्रिय परीक्षा बोर्डले नै सञ्चालन गरेको थियो ।
