हेटौँडाः नेपाल स्काउट थाहा नगर समितिले नगरका १२ वटा विद्यालयका ४ सय ५० जना विद्यार्थीलाई बिहीबार एकैपटक दीक्षित गरेको छ । मकवानपुर जिल्लामा पहिलोपटक स्काउटको वृहत् दीक्षान्त कार्यक्रम भएको हो ।
थाहा नगरको ओखरबजारबाट प्रभातफेरी कार्यक्रमको आयोजना गर्दै ईन्द्रायणी चौरमा पुगेर कार्यक्रम आयोजना गरिएको थियो । नेपाल स्काउट थाहा नगरका संयोजक गणेशमान श्रेष्ठको सभाध्यक्ष तथा थाहा नगर प्रमुख बिष्णुबहादुर बिष्टको प्रमुख आतिथ्यमा कार्यक्रम भएको हो । स्थानीय तहमा स्काउट सदस्य वृद्धि गर्ने उद्देश्यले दीक्षान्त कार्यक्रम भएको बताइएको छ ।
