हेटौँडाः चितवन जिल्लाको खैरहनी नगरपालिका–४, कयरखोलामा ट्याक्टर दुर्घटना हुँदा चालकको मृत्यु भएको छ । ट्याक्टर चालक खैरहनी नगरपालिका–२, बस्ने २० वर्षीय दीपक परियार रहेको बागमती प्रदेश प्रहरी कार्यालय हेटौँडाले जनाएको छ ।
मंगलबार बिहान ११ बजेको समयमा कयरखोलामा ना ६ त १०७९ नम्बरको लोड ट्याक्टरको अगाडिको ईन्जिनको भाग उठ्न गई ढालामा च्यापिँदा चालक परियार गम्भीर घाइते भएका थिए । घाइते परियारलाई उपचारका लागि नयाँ मेडिकल भरतपुर लगिएकोमा उपचारको क्रममा बिहान ११ बजेर ३० मिनेटको समयमा मृत्यु भएको प्रहरीले जनाएको छ ।
