हेटौँडाः जेसीआई हेटौँडाले आयोजना गरेको वक्तृत्वकला प्रतियोगितामा विवेक आनन्द न्यौपाने उत्कृष्ट वक्ता घोषित हुनुभएको छ । जेसीआई हेटौंडाको जेसीज सप्ताहको अवसरमा आयोजित प्रतियोगितामा सहभागी ९ प्रतिस्पर्धीलाई पछि पार्दै न्यौपाने प्रथम हुनुभएको हो ।
‘सकारात्मक दृष्टिकोणका लाग युवा नेतृत्व’ शीर्षकमा आयोजित वक्तृत्वकला प्रतियोगितामा सुदीन पौडेल हुनुभयो भने छोइसाङ लामा तृतीय हुनुभयो । सञ्जय कुमार न्यौपानेको संयोजनमा भएको प्रतियोगिताको निर्णायकमा पूर्वअध्यक्षहरु कुशकुमार रिजाल, कविन सांगामी र अन्जनी कुमार पराजुली रहनुभएको थियो । प्रतियोगितामा प्रथम, द्वितीय र तृतीय हुनेलाई जेसीआई हेटौंडाका पूर्वअध्यक्ष धर्मकृष्ण श्रेष्ठले प्रमाणपत्र वितरण गर्नुभयो । जेसीआई हेटौंडाले सप्ताहव्यापी कार्यक्रमअन्तर्गत मनकामना अपहिल साइकल च्यालेन्ज र रक्तदान कार्यक्रम आयोजना गरिसकेको छ ।
