हेटौंडाः लागूऔषध गाँजासहित बारा प्रहरीले २ जनालाई पक्राउ गरेको छ । गएराती १ बजेको समयमा इलाका प्रहरी कार्यालय निजगढबाट प्रहरी निरीक्षक विकास थपलियाको कमाण्डमा खटिएको प्रहरी टोलीले बारा जिल्लाको जितपुर सिमरा उपमहानगरपालिका–१६ बाट साढे १३ केजी गाँजासहित दुईजनालाई पक्राउ गरेको हो ।
बारा जिल्लाको निजगढ नगरपालिका–१२ रामाथलीबाट पश्चिम पिलुवातर्फ जाँदै गरेको बा ३३ प ७८७७ नम्बरको पल्सर मोटरसाईकल रोकी सुरक्षाजाँच गर्दा मोटरसाईकल चालक बारा जिल्लाको निजगढ नगरपालिका–१२ रामथली बस्ने वर्ष २६ का सागर लामा र सोही मोटरसाईकलको पछाडी सवार ४० वर्षीय कृष्ण लामालाई गाँजासहित पक्राउ गरिएको बारा प्रहरीले जनाएको छ । सागर र कृष्णलाई जिल्ला अदालत बाराबाट पहिलो पटक ७ दिनको म्याद अनुमति लिई हिरासतमा राखी थप अनुसन्धान भई रहेको प्रहरीले जनाएको छ ।
