हेटौंडाः हेटौंडा उपमहानगरपालिका १० नम्बर वडा कार्यालय र आँचल साहित्य कला पुञ्ज मकवानपुरको संयुक्त आयोजनामा हेटौंडामा खुला कविता प्रतियोगिता हुने भएको छ । वैशाख ५ गते पारिजात स्मृति दिवसको सन्दर्भमा ’पारिजात’ विषयक खुला कविता प्रतियोगिता आयोजना हुने लागेको हो ।
आँचलले सुचना जारी गर्दै वैशाख ४ गतेभित्र पुष्पलाल स्मृति पुस्तकालय, विद्यार्थी पुस्तक पसल, किताबघर र १० नम्बर वडा कार्यालयमा कविता बुझाउन सकिने जनाएको छ । कविता बढीमा २५० शब्दसम्मको हुनुपर्नेछ । कविता ’पारिजात’ विषयक हुनुपर्नेछ तर शीर्षक खुला रहन सक्नेछ । प्रथम, द्वितीय, तृतीय र सान्त्वना हुनेलाई क्रमशः ६ हजार रुपैयाँ, ४ हजार रुपैयाँ, ३ हजार रुपैयाँ र एक हजार रुपैयाँ पुरस्कारले पृरस्कृत गरिने जनाएको छ ।
