हेटौंडाः बलात्कार अभियोगमा ईन्द्र प्रसाद बन्जारा ’रमेश’ पक्राउ परेका छन् । मनहरीकी एक महिलाले बन्जाराविरुद्ध उजुरी दिएपछि प्रहरीले बिहीबार बन्जारालाई पक्राउ गरेको छ ।
प्रहरीमा उजुरी आएपछि बन्जारालाई प्रहरी कार्यालयमै बोलाएर सोधपुछ गरी हिरासतमा राखेर अनुसन्धान सुरु गरिएको मकवानपुरका प्रहरी प्रमुख बामदेव गौतमले जानकारी दिनुभएको छ । प्रहरीले पीडित महिलाको स्वास्थ्य परीक्षण गरेको छ । नेपाल पत्रकार महासंघको सदस्य समेत रहेका बन्जाराको घटनालाई लिएर नेपाल पत्रकार महासंघ मकवानपुर शाखाले प्रहरीसँग आवश्यक समन्वय गरिरहेको छ । महासंघ मकवानपुर शाखाका उपाध्यक्ष ध्रुव अधिकारीले प्रहरी प्रमुखसँग घटनाबारे महासंघका अध्यक्ष मणिराज गौतमसहितको टोलीले घटनाबारे शुक्रबार बिहान बुझ्ने प्रयास भएको जानकारी दिनुभएको छ ।
