हेटौंडाः मकवानपुरको मकवानपुरगढी गाउँपालिका–३, मक्रान्चुलीस्थित जागरण बचत तथा ऋण सहकारी संस्था लिमिटेडले २४ औं स्थापना दिवस विविध कार्यक्रम गरी मनाएको छ ।
कार्यक्रमको अन्तिम दिन मंगलबार दुई जना जेष्ठ नागरिकलाई सम्मान गरेको छ । ७० वर्ष माथिका शेयर सदस्य मिठ्ठुदेवी हुमागाई र गोमा डोटेललाई नगद एक–एक हजार, सम्मानपत्र र ग्लुकोज वितरण गरी सहकारीको स्थापना दिवस मनाइएको सहकारीकी व्यवस्थापक मेनुका दहालले जानकारी दिनुभएको छ । स्थापना दिवसकै अवसरमा सहकारीले रक्तदान कार्यक्रमको पनि आयोजना गरेको थियो ।
