हेटौंडाः मकवानपुर जिल्लाको राक्सिराङ गाउँपालिका–६ खर्कन्टेटारमा ट्याक्टर दुर्घटना हुँदा एक जनाको मृत्यु भएको छ । मृत्यु हुनेमा राक्सिराङका ३३ वर्षीय काजीमान प्रजा रहेको बागमती प्रदेश प्रहरी कार्यालय हेटौंडाले जानकारी दिएको छ ।
सोमबार राती १ बजेर ३० मिनेटको समयमा फाकलटारबाट राक्सिराङ जाँदै गरेको ना ६ त ५२१८ नम्बरको ट्याक्टर दुर्घटना हुँदा प्रजा गम्भीर घाईते भएका थिए । घाईते प्रजालाई उपचारका लागि पुरानो मेडिकल कलेज भरतपुर लगिएको थियो । उपचारको क्रममा प्रजाको आज बिहान ८ बजेर ४५ मिनेटको समयमा डाक्टरले मृत घोषणा गरेको प्रहरीले जनाएको छ । ट्याक्टर र चालक नियन्त्रणमा रहेको छ ।
