हेटौंडाः हेटौंडा–९ स्थित कृष्ण आदर्श इंग्लिस स्कूलले आफ्ना विद्यार्थीलाई तेक्वान्दोको बेल्ट वितरण गर्नुका साथै स्काउटको व्याच वितरण कार्यक्रम गरेको छ । सोमबार विद्यालयमा एक समारोहको आयोजना गरेर २४ जना विद्यार्थीलाई स्काउटको व्याच वितरण गरेको छ भने ४० जनालाई तेक्वान्दोको बेल्ट वितरण गरिएको छ ।
विद्यार्थीको व्यक्तित्व विकासका लागि यस वर्षदेखि स्काउट र तेक्वान्दो कार्यक्रम राखिएको विद्यालयका सन्चालक नवीन केसीले जानकारी दिनुभयो । यस्तै विद्यालयले युकेजीका विद्यार्थीलाई दीक्षित गरेको छ । विद्यालयका सन्चालक नवीन केसीको अध्यक्षता तथा ९ नम्बर वडा अध्यक्ष सुकराम केसीको प्रमुख आतिथ्यमा कार्यक्रम भएको हो । विद्यालयले नर्सरीदेखि कक्षा ९ सम्मका विद्यार्थीको वार्षिक परीक्षाको नतिजा पनि सार्वजनिक गरेको छ ।
