हेटौंडाः मधेश प्रदेशको राजधानी जनकपुरमा आयोजित मेयर कप टि–२० क्रिकेट प्रतियोगितामा अहिले मकवानपुरले रौतहट जिल्लाको टिमसँग खेल्दैछ । टस जितेर पहिले व्याटिङ गरेको रौतहटले २० ओभरको खेलमा ९ विकेट गुमाएर मकवानपुरलाई १ सय ८ रनको लक्ष्य दिएको छ ।
मकवानपुरका रामनरेश गिरी र शुभ कंशकारले ३–३ विकेट लिए । मकवानपुरले जवाफी व्याटिङ गरिरहेको छ । मकवानपुरले लिग चरणको दोस्रो खेल खेलिरहेको हो । शुक्रबार भएको पहिलो चरणको खेलमा मकवानपुर बारा जिल्लाको क्रिकेट टिमसँग पराजित भएको थियो । प्रतियोगिताको उपाधि विजेताले नगद २ लाख ५१ हजार रुपैयाँसहित सिल्ड, मेडल र प्रमाणपत्र प्राप्त गर्नेछ भने उपविजेताले १ लाख ५१ हजार रुपैयाँ प्राप्त गर्नेछ ।
