हेटौंडाः बाल साहित्यकारहरुको संस्था नवसर्जक साहित्य चौतारी नेपाल ५० हजार राशीसहित सम्मानित हुने भएको छ । आउँदो शनिबार नवसर्जक साहित्य चौतरी नेपाललाई नेपाल विष्णुकुमारी रिजाल स्मृति सम्मान–२०७९ प्रदान गरिँदैछ । नगद ५० हजार रुपैयाँ राशीसहित सम्मानित हुन लागेको नवसर्जककी अध्यक्ष प्रशन्ना चौलागाईँले जानकारी दिनुभयो । विष्णुकुमारी रिजाल स्मृति सम्मान २०७७ स्थापना भएको हो ।
नवसर्जक साहित्य चौतारी नेपाल पहिलोपटक सम्मानित हुन लागेको नवसर्जकका परिकल्पनाकार दीपक गौतमले जानकारी दिनुभयो । नवसर्जक चौतारी नेपालको सातै प्रदेश समिति, काठमाडौं उपत्यका समिति तथा विदेश विभाग गरी ९ वटा शाखाहरु रहेका छन् । नवसर्जकमा आवद्ध नवसर्जकहरुमध्ये धनगढी जिल्लाको कैलाली शाखाका वरिष्ठ उपाध्यक्ष विभूति अधिकारीले २०७७ चैत २ गते ‘अद्भुत इन्द्रेणी’ खण्डकाव्य कृति विमोचन गरिसक्नुभएको छ ।
यस्तै नवसर्जक साहित्य चौतारीका महासचिव समर्पण न्यौपानेले २०७९ माघ १ गते ‘अभियुक्त समय’ गद्य कविता संग्रह प्रकाशन गरिसक्नुभएको छ भने लुम्बिनी प्रदेशका सदस्य पवन अधिकारीले तेस्रो कृतिको रुपमा २०७९ फागुन ७ गते ‘अन्यायका आँसुहरू’ छन्द कविता संग्रह विमोचन भइसकेको छ । काठमाडौं उपत्यका संयोजक आँचल अधिकारीले २०७९ चैत ११ गते ‘मन पग्लिएछ भने…’ कविता संग्रह विमोचन गरिसक्नुभएको छ । यस्तै निकट भविष्यमा आधा दर्जन जति नवसर्जकहरु कृति प्रकाशनको तयारीमा रहेको गौतमले जानकारी दिनुभयो ।
