हेटौंडाः हेटौंडा–११ बाट लागुऔषध गाँजासहित प्रहरीले दुई जनालाई पक्राउ गरेको छ । पक्राउ पर्नेमा हेटौंडा–१८ का मोटरसाईकल चालक २१ बर्षीय सुबोध बानियाँ र मोटरसाइकलमा सवार हेटौंडा–११ का २६ बर्षीय संजय बिश्वकर्मा रहेको बागमती प्रदेश प्रहरी कार्यालय हेटौंडाले जानकारी दिएको छ ।
शुक्रबार थानाभर्याङबाट सिमलटार जाँदै गरेको ना ३१ प ६९५६ नम्बरको मोटरसाइकललाई सुरक्षाजाँच गर्दा बानियाँको साथबाट लागुऔषध गाँजा ४ सय ग्राम फेला परेको प्रहरीले जनाएको छ । लागुऔषध गाँजासहित बानियाँ र बिश्वकमालाई नियन्त्रणमा लिई थप अनुसन्धान गरिरहेको प्रहरीले जनाएको छ ।
