हेटौंडाः टोल विकास संस्था नगर समन्वय समिति, हेटौंडा उपमहानगरपालिकाको आयोजनामा एक दिवसीय क्षमता विकास तालिम सम्पन्न भएको छ । बुधबार टोल विकास संस्था नगर समन्वय समिति र वडा समन्वय समितिका पदाधिकारीहरुलाई तालिम दिइएको हो ।
वार्षिक विकास कार्ययोजना कार्यक्रम तर्जुमा प्रक्रियालगायतका विषयमा तालिम दिइएको छ । हेटौंडा उपमहानगरपालिका सामाजिक विकास महाशाखा प्रमुख भीमप्रसाद तिमल्सिना, ॐ शान्तिका विजयराज सिग्देल, समितिका सल्लाहकार ध्रुब भुजेल, श्यामप्रसाद श्रेष्ठ, सामुदायिक विकास तथा सचेतना नेपालका अनन्त बानियाँ, समाज कल्याण शाखाका भैरब कुमालले तालिमको सहजीकरण गर्नुभएको थियो ।
तालिममा ६० जनाको सहभागिता रहेको थियो । तालिमको अवसरमा समन्वय बैठकसमेत आयोजना गरिएको छ । हेटौंडा—४ का वडा अध्यक्ष नवीन सिग्देलको प्रमुख आतिथ्य तथा नगर समन्वय समितिका अध्यक्ष ध्रुबप्रसाद अधिकारीको सभाध्यक्षमा कार्यक्रम आयोजना गरिएको हो ।
