हेटौंडाः हेटौंडा क्याम्पसको स्वतन्त्र विद्यार्थी युनियन (स्ववियु) निर्वाचन समितिले निर्वाचन तालिका सार्वजनिक गरेको छ । हेटौंडा क्याम्पस सञ्चालक समितिको बैठकद्वारा बुधबार गठित समितिले निर्वाचन तालिका सार्वजनिक गरेको हो । शुक्रबार दिनको ३ बजेसम्म संघ/संगठन/समूह दर्ता गर्ने समय तोकिएको छ ।
फागुन २२ गते मतदाता सूचि प्रकाशित गर्ने, २५ गते मतदाता सूची माथि दावी–विरोध गर्ने र सोही दिन मतदाता सूची माथि दावी–विरोधको छानविन गरी अन्तिम नामावली प्रकाशित गर्नेछ । फागुन २६ गते प्रत्यक्ष र समानुपातिक दुबैतर्फका उम्मेदवारका लागि मनोनयनपत्र वितरण गर्ने, फागुन २७ गते उम्मेदवारको मनोनयनपत्र प्रत्यक्ष र समानुपातिक तर्फको नामावली दाखिला गर्ने र सोही दिन प्रत्यक्ष तर्फको उम्मेदवारको नामावली प्रकाशित गरिने स्ववियु निर्वाचन समितिका सदस्य सचिव एवम् क्याम्पस प्रमुख देवचन्द्र मानन्धरले जानकारी दिनुभएको छ ।
यसैगरी २८ गते उम्मेदवारको नामावली माथि दावी विरोध गर्ने अन्तिम समय रहेको र सोही दिन दावी–विरोध उपर छानविन गरी उम्मेदवारको नामावली प्रकाशित गर्नेछ । २९ गते उम्मेदवारको नाम फिर्ता लिने अन्तिम समय रहेको र सोही दिन उम्मेदवारको अन्तिम नामावली प्रकाशित गर्ने तालिका रहेको बताउनुभयो । अगामी चैत्र ५ गते बिहान ८ बजेदेखि दिनको ४ बजेसम्म मतदानको समय तय गरिएको छ ।
