हेटौंडाः ईलाका प्रहरी कार्यालय मनहरीले लागूऔषध गाँजासहित एकजनालाई पक्राउ गरेको छ । मंगलबार बेलुकी ८ बजेर ४५ मिनेटको समयमा मनहरी गाँउपालिका–९, ढकाल खोल्सीबाट सुमन प्रजालाई सुरक्षा जाँच गर्दा लागूऔषध गाँजा भेटिएको प्रहरीले जानकारी दिएको छ ।
सुमनको साथबाट प्रहरीले १५ केजी गाँजा बरामद गरेको छ । प्रहरीले लागुऔषध गाँजासहित सुमनलाई हिरासतमा राखी अनुसन्धान गरिरहेको बागमती प्रदेश प्रहरी कार्यालय हेटौंडाले जनाएको छ ।
