हेटौंडाः नेपाल व्यावसायिक बाख्रापालक महासंघको अध्यक्षमा मकवानपुरका गोविन्द प्रसाद सुवेदी चयन हुनुभएको छ । शनिबार काभ्रेको बनेपामा भएको तेस्रो महाधिवेशनबाट सुवेदी सर्वसम्मत अध्यक्षमा चयन हुनुभएको हो ।
सुवेदीको अध्यक्षतामा २४ सदस्यीय नयाँ कार्यसमिति चयन भएको छ । समितिको वरिष्ठ उपाध्यक्षमा काभ्रेपलान्चोकका दीपक कुमार गौतम रहनुभएको छ । यस्तै, उपाध्यक्षमा कन्चनपुरका गणेश बाहादुर चन्द, तनहुँका प्रकाश महत, तेह्रथुमका निर्मल बस्नेत, सर्लाहीका गिरेन्द्र कुमार रेग्मी, जुम्लाका जंग बहादुर खत्री र नुवाकोेटका कृष्ण प्रसाद सेढाइ चयन हुनुभएको छ । यस्तै, महासचिवमा गोरखाका तारानाथ पोखरेल, सचिव अजय पाठक र प्रभाकर थापा, कोषाध्यक्षमा करण गुरुङ रहनुभएको छ ।
