हेटौंडाः रेडियो थाहासञ्चारले वार्षिकोत्सवको अवसरमा आयोजना गरेको घैंटो फुटाई प्रतियोगितामा अनिल पराजुली, मनिता राना र निकिता अधिकारीले घैंटो फुटाएका छन् । रेडियोको वार्षिकोत्सवको अवसरमा हेटौंडा–४ स्थित भुटनदेवी माविको खेलमैदानमा आयोजित साताव्यापी कार्यक्रमअन्तर्गत छैठौं दिन शनिबार मकवानपुरे सञ्चारकर्मीबीच घैंटो फुटाई प्रतियोगिता भएको हो ।
घैंटो फुटाउन सफल अनिल, मनिता र निकितालाई पुरस्कार स्वरुप प्रतिव्यक्ति ५ सय रुपैयाँ नगदसहित पुरस्कृत गरिएको छ । प्रतियोगितामा मकवानपुरका १९ जना सञ्चारकर्मीहरुले सहभागी थिए । रेडियोले १५ वर्ष पूरा गरी १६ औं वर्षमा प्रवेश गरेको अवसरमा फागुन १ गतेबाट साताव्यापी कार्यक्रम गरिरहेको छ । साताव्यापी कार्यक्रममको अन्तिम दिन फागुन ७ गते सोमबार पुरस्कार तथा प्रमाणपत्र वितरण, थाहा वर्ष सम्मान प्रदान गर्ने कार्यक्रम रहेको रेडियोका स्टेशन म्यानेजर गोकुल अधिकारीले जानकारी दिनुभएको छ ।
