हेटौंडाः निर्माण व्यवसायी संघ मकवानपुरको अध्यक्षमा बालगोपाल कँडेल निर्वाचित हुनुभएको छ । आइतबार साँझ सम्पन्न मतगणनाअनुसार २१६ मतसहित कँडेल निर्वाचित हुनुभएको हो । अध्यक्षका अर्का आकांक्षी श्यामसुन्दर ढकालले १७० मत प्राप्त गर्नुभयो ।
संघको द्वितीय उपाध्यक्षमा भवनाथ अधिकारी दुई २०८ मतसहित निर्वाचित हुनुहुँदा १६१ मतसहित बुद्धिराम डिम्डुङ पराजित हुनुभयो । तृतीय उपाध्यक्षमा भीमसेन श्रेष्ठ २२१ मतसहित निर्वाचित हुनुहुँदा भोजबहादुर बुढाथोकी १४१ मतसहित पराजित हुनुभयो । उपमहासचिव (नीतिगत) मा दिनेश पनेरु १९० मतसहित विजयी हुनुभयो भने नवराज पाठक १७२ मतसहित पराजित हुनुभयो । उपमहासचिव (आन्तरिक) मा सुरज बर्तौला १८५ मतसहित विजयी हुनुहुँदा निर्मल देवकोटा १८० मतसहित पराजित हुनुभयो । सहकोषाध्यक्षमा प्रकाश लामा २०१ मतसहित विजयी हुँदा हरेराम पुडासैनी १६७ मतसहित पराजित हुनुभयो । पदाधिकारीतर्फ प्रथम उपाध्यक्षमा सागर कटुवाल, महासचिवमा राजेन्द्रप्रसाद चौलागाई र कोषाध्यक्षमा अनल श्रेष्ठ सर्वसम्मत निर्वाचित हुनुभएको थियो ।
संघको कार्यसमिति सदस्यमा चेतबहादुर थापा मगर (२४१ मत), नवीन जोशी (२३० मत), ईन्द्रप्रसाद रिजाल (२२४ मत), सविन भट्टराई क्षेत्री (२२० मत), अच्युत सुवेदी (२०८ मत), उमा कुमारी पौडेल (२०३ मत), सूर्यबहादुर रोक्का (२०१ मत) र लक्ष्मण सापकोटा (१९३ मत) विजयी हुनुभएको निर्वाचन अधिकृत ईश्वरराज ढकालले जानकारी दिनुभएको छ ।
