हेटौंडाः बसन्त पञ्चमीको अवसरमा हेटौंडा स्कूल अफ म्यानेजमेन्टले नृत्य प्रतियोगिता आयोजना गरेको छ । प्रतियोगितामा क्याम्पसकी विद्यार्थी अस्मी घिमिरेको समूह प्रथम भएको छ ।
प्रतियोगितामा प्रनिश घिमिरेको समूह द्वितीय, सुप्रिया चौलागाई तृतीय भएका छन् । नलिनाको समूह चौथो र रिज्मा रेश्मा पाँचौं भएका छन् । यस्तै, अश्रीया बानियाँ क्लासिकल नृत्य र निराजनकुमार यादव उत्कृष्ट भएका छन् ।
कार्यक्रममा क्याम्पसका अध्यक्ष देवप्रसाद श्रेष्ठ, प्रिन्सिपल पुरनबहादुर जोशीलगायतको उपस्थिति रहेको थियो । प्रतियोगितामा कलिउड सुपर डान्स एण्ड फिटनेसका सञ्चालक सुजन श्रेष्ठ र रियो छमछमी सिजन ४ की बिजेता सन्ध्या आचार्यले निर्णायकको भूमिका निर्वाह गर्नुभएको थियो ।
