हेटौंडाः मकवानपुर जिल्लाको हेटौंडास्थित थोक तरकारी बजारका व्यवसायी ज्ञान बहादुर गोलेले हेटौंडास्थित मानवसेवा आश्रमलाई एक गाडी काउली सहयोग गर्नुभएको छ । बजारमा पर्याप्त तरकारी भएर विक्री नभइरहेका बेला गोलेले आश्रमका लागि आवश्यक तरकारी सहयोग गर्नुभएको हो । राष्ट्रिय शब्जी भण्डारका सञ्चालक गोलेले आश्रमलाई आगामी दिनमा पनि सहयोग गर्ने बताउनुभएको छ । हेटौंडास्थित मानवसेवा आश्रममा एक सय ४१ जना आश्रित छन् । आश्रमका प्रतिनिधिका अनुसार आश्रममा अहिले दैनिक उपभोग्य वस्तुको अभाव भइरहेको छ ।
