हेटौंडाः मकवानपुरको बागमती गाउँपालिका वडा–३ मा भीरबाट लडेर एकजनाको मृत्यु भएको छ । बागमती गाउँपालिका वडा–३ कुटिभकारीकी अन्दाजी १८ वर्षीया रेखा माया थोकरको मृत्यु भएको हो ।
थोकरको आफ्नै घरदेखि अन्दाजी करिब ५०० मिटर पुर्वमा रहेको कुटीभकारी भीरबाट लडी शनिबार बिहान साढे ८ बजेको समयमा मृत्यु भएको जिल्ला प्रहरी कार्यालय मकवानपुरले जनाएको छ । उक्त खबर प्राप्त हुनासाथ प्रहरी शिवराईगाउँ प्रहरी चौकीबाट टोलि खटिएको थियो । मृतकको शव आफन्तले घरमा ल्याएर राखेको अवस्थामा रहेको थियो । घटनाको मुचुल्का उठाएर थप अनुसन्धान भइरहेको जिल्ला प्रहरी कार्यालय मकवानपुरले जनाएको छ ।
