हेटौंडाः शिवम् सिमेन्टस् लिमिटेडले हेटौंडा १७ स्थित बालबोध माध्यमिक विद्यालयमा अध्ययनरत बालबालिकालाई न्यानो कपडा वितरण गरेको छ । विद्यालयमा अध्ययनरत नर्सरीदेखि ६ कक्षासम्मका विद्यार्थीहरुलाई जाडोबाट बचाउनको लागि न्यानो कपडा स्वीटर वितरण गरेको हो ।
विद्यालय व्यवस्थापन समितिका अध्यक्ष कमल बहादुर विष्टको अध्यक्षतामा भएको कार्यक्रममा शिवम् सिमेन्टस्का प्रशासनिक प्रमुख विष्णु घिमिरे, प्रधानाध्यापक रमेश रिजाल, सहायक प्रधानाध्यापक दीपकलाल श्रेष्ठ, विद्यालय व्यवस्थापन समितिका सदस्य सुदिप अर्याल, रिता दाहाल लगायतको उपस्थिति रहेको थियो ।
