हेटौंडा: नेपाली कांग्रेस जिल्ला कार्यसमिति मकवानपुरले प्रदेशसभा सदस्यहरुलाई स्वागत तथा सम्मान गरेको छ । मंगलबार जिल्ला पार्टी कार्यालयमा एक कार्यक्रमको आयोजना गर्दै नेपाली कांग्रेसबाट नवनिर्वाचित सदस्यहरुलाई सम्मान गरेको हो ।
प्रदेश सभामा निर्वाचित सदस्यहरुलाई कांग्रेस मकवानपुरका जिल्ला सभापति बुद्ध लामाले माला तथा टीका लगाएर स्वागत गर्नुभएको छ । नेपाली कांग्रेस बागमती प्रदेशसभाको संसदीय दलको चयनका लागि कांग्रेसबाट प्रदेशसभामा निर्वाचित सदस्यहरु मंगलबार हेटौंडा आइपुगेको छ । प्रदेश संसदीय दलको नेताका भोलि बुधबार निर्वाचन हुने अनुमान छ ।
कांग्रेस बागमती प्रदेश संसदीय दलको नेताका लागि मकवानपुर निर्वाचन क्षेत्र नम्बर २ को १ बाट प्रदेशसभामा निर्वाचित इन्द्रबहादुर बानियाँ र नुवाकोट निर्वाचन क्षेत्र नम्बर २ को २ बाट प्रदेशसभामा निर्वाचित बहादुर सिंह लामाबीच प्रतिस्पर्धा हुने देखिएको छ ।
