हेटौंडाः शिक्षाका लागि राष्ट्रिय अभियानको दोस्रो अधिवेशन चितवनको सौराहामा सम्पन्न भएको छ । अभियानको बागमती प्रदेश संयोजक प्रकाश खतिवडाको सभाध्यक्षता तथा अभियानका केन्द्रीय अध्यक्ष राजेन्द्र पहाडीको प्रमुख आतिथ्यमा अधिवेशन भएको हो ।
सोमबार सम्पन्न अधिवेशनबाट प्रकाश खतिवडाको अध्यक्षतामा ११ सदस्यीय प्रदेश समिति सर्वसम्मत निर्वाचित भएको छ । समितिको उपाध्यक्षमा उषा बज्राचार्य, सचिबमा रामचन्द्र आचार्य, कोषाध्यक्षमा अनिता नेपाली, सदस्यमा हर्क बहादुर तामाङ, कृष्ण प्रसाद पराजुली, भिम पोखरेल, लक्ष्मी थापा र कुमारी वाईबा सर्वसम्मत निर्वाचित हुनुभएको छ ।
