हेटौंडाः शनिबार हेटौडामा सवारी दुर्घटना हुँदा २ जना घाईते भएका छन् । आज बिहान ११ बजेको समयमा हेटौंडा–३ बसामाडी स्थित पुर्व–पश्चिम सडकखण्डमा चितवनबाट हेटौंडातर्फ आउँदै गरेको प्रदेश ३–०३–००१ प नम्बरको स्कुटरले पैदल यात्री राक्सिराङ –१ बस्ने १४ वर्षिय सन्त सिं प्रजालाई बाटो क्रस गर्ने क्रममा ठक्कर दिएको थियो ।
प्रजाको टाउको र शरिरको विभिन्न भागमा चोट लागी घाईते भएको र उपाचारका लागी हेटौंडा अस्पताल ल्याईएको जिल्ला प्रहरी कार्यालय मकवानपुरले जनाएको छ । स्कुटर चालक ३९ वर्षिय बिनु थापा मगरको दुबै हात र मुखमा चोट लागी घाईते भइ उपचारका लागी भरतपुर अस्पताल चितवन लगिएको प्रहरीले जनाएको छ । दुवै जनाको स्वास्थ्य अवस्था मध्यम रहेको छ । स्कुटर प्रहरीको नियन्त्रणमा रहेको जिल्ला प्रहरी कार्यालय मकवानपुरले जनाएको छ । ।
