हेटौंडाः बुधबार मकवानपुरको बकैयामा ट्र्याक्टर दुर्घटना हुँदा एक जनाको मृत्यु भएको छ । गएराती ८ बजेर ५५ मिनेटको समयमा धरान चतरा सडक खण्डमा हेटौंडाबाट हात्तिसुँडे जाँदै गरेको बा.प्र.०३–००१ त ३४१ नम्बरको ट्र्याक्टर दुर्घटनामा बागमती गाउँपालिका ५ बगेरि बस्ने अन्दाजी २७ वर्षीय सत्यमान घिसिङको घटना स्थलमा मृत्यु भएको जिल्ला प्रहरी कार्यालय मकवानपुरले जानकारी दिएको छ ।
ट्र्याक्टर आफै अनियन्त्रित भई सडकमा पल्टिदा ट्र्याक्टरमा सवार घिसिङको मृत्यु भएको हो । ट्र्याक्टरमा सवार सोही ठाउँ बस्ने ३५ वर्षीय दमै सिङ सिन्तान मध्यम घाइते भइ हेटौंडा अस्पतालमा उपचार भइरहेको प्रहरीले जनाएको छ । ट्र्याक्टर चालक प्रहरीको नियन्त्रणमा रहेको जिल्ला प्रहरी कार्यालय मकवानपुरले जानकारी दिएको छ ।
