हेटौंडाः मकवानपुर प्रहरीले लागुऔषध गाँजासहित एक जनालाई पक्राउ गरेको छ । पक्राउ पर्नेमा पर्साको वीरगंज महानगरपालिका–२२ का २२ वर्षीय ओमप्रकाश पटेल रहेको जिल्ला प्रहरी कार्यालय मकवानपुरका प्रहरी प्रवक्ता टेक बहादुर कार्कीले जानकारी दिनुभयो ।
आइतबार राति ११ बजेको समयमा हेटौडा–१० स्थित जिल्ला प्रहरी कार्यालय गेट अगाडी पुर्व–पश्चिम सडकखण्डमा विशेष सुचनाको आधारमा प्रहरी सहायक निरीक्षकको कमाण्डमा खटिएको विशेष टोलीले मनहरीबाट हेटांैडातर्फ आउँदै गरेको ना १ ज २६२७ नम्बरको म्याजिकलाई रोकेर सुरक्षाजाँच गर्ने क्रममा म्याजिकमा सवार पटेलले बोकेको जेब्रा झोला र हाते झोलामा लुकाई छिपाई ल्याएको ११ केजी ३ सय ९० ग्राम लागुऔषध गाँजा फेला पारी बरामद गरेको हो । उक्त लागुऔषधसहित पटेललाई नियन्त्रणमा लिई थप अनुसन्धान गरिरहेको प्रहरीले जनाएको छ ।
