हेटौंडाः आगामी निर्वाचनमा प्रतिनिधि सभा सदस्यका लागि मकवानपुर–१ बाट राप्रपा नेपालले पार्टी अध्यक्ष कमल थापालाई उम्मेदवार बनाउने निर्णय गरेको छ ।
शनिबार हेटौंडा–५, सानोपोखरास्थित पार्टी जिल्ला कार्यालयमा जिल्ला, निर्वाचन क्षेत्र र नगर समितिको संयुक्त बैठकले पार्टी अध्यक्षलाई उम्मेदवार बनाउन पार्टी केन्द्रीय समितिलाई सिफारिस गर्ने निर्णय सर्वसम्मतरुपमा भएको हो । २०७४ सालमा भएको प्रतिनिधि सभा निर्वाचनमा नेपाली कांग्रेसको समेत साथ पाएको कमल थापा नेकपा एमालेका कृष्ण दाहालसँग पराजित भएका थिए ।
राप्रपा नेपाल मकवानपुर जिल्ला अध्यक्ष गुरुप्रसाद सापकोटाको अध्यक्षतामा भएको बैठकमा राप्रपा केन्द्रीय सदस्यहरु गणेश थापा, बालकृष्ण कार्की, अम्बिका कार्की, क्षेत्रीय अध्यक्ष बद्री कुँवर र दामोदर वाग्ले, हेटौंडा उपमहानगर समितिका अध्यक्ष प्रेमलाल श्रेष्ठ, मकवानपुर महिला संगठनकी अध्यक्ष इन्दिरा पाठक बस्नेत, युवक संगठन नेपालका केन्द्रीय उपाध्यक्ष अर्जुन ढुंगानाको उपस्थिति रहेको युवक संगठन मकवानुपरका अध्यक्ष भृगु कार्कीले जानकारी दिनुभयो ।
