हेटौंडाः मकवानपुर प्रहरीले लागुऔषध खैरो हिरोइनसहित एकजना युवालाई पक्राउ गरेको छ । पक्राउ पर्नेमा हेटौंडा–१ स्थित चौकीटोल बस्ने २५ वर्षीय सन्तोष पाण्डे रहेको प्रहरीले जनाएको छ ।
सोमबार साँझ बागमती प्रदेश ०३००५ प २८३३ नम्बरको मोटर साइकलमा सवार पाण्डेलाई विशेष सूचनाको आधारमा प्रहरीले सुरक्षा जाँच गर्ने क्रममा पाण्डेको साथबाट लागुऔषध खैरो हिरोइन ३ सय ५० मिलि ग्राम बरामद गरेको थियो । पाण्डेलाई मोटर साइकाल र खैरो हिरोइनसहित पक्राउ गरी थप अनुसन्धान भईरहेको प्रहरीले जनाएको छ ।
