हेटौंडाः हेटौंडामा गाईजात्रा हाँस्यव्यङ्ग्य विशेष कार्यक्रम हुने भएको छ । आगामी सााउन २७ गते शुक्रबार सिस्नुपानी नेपाल मकवानपुरको आयोजनामा गाईजात्रा—७९ हाँस्यव्यङ्ग्य विशेष हुने भएको हो ।
कार्यक्रममा हाँस्यव्यङ्ग्य कविता, निबन्ध, गजल, मुक्तक, हाइकुहरु रचना वाचन हुनेछ । यसैगरी बाद्य वादनसहितको प्यारोडी गायन र हाँस्यव्यङ्ग्य चित्र(कार्टुुन) प्रदर्शनी हुने सिस्नुपानी नेपाल मकवानपुुरले जनाएको छ । हेटौंडा पाटी प्यालेसमा हुने उक्त कार्यक्रममा गाईजात्रा सम्बन्धी हाँस्यव्यङ्ग्यमा रूचि हुनेहरुलाई उपस्थितिको लागि सिस्नुपानी नेपाल मकवानपुरका अध्यक्ष राजकुमार लामिछाने अनुरोध गर्नुभएको छ ।
