हेटौंडाः साहित्यकार डा. गणेशकुमार पौडेलको स्मृतिमा अक्षयकोष स्थापना भएको छ । सिस्नुपानी नेपाल मकवानपुरका निवर्तमान अध्यक्ष समेत रहनु भएको साहित्यकार स्वर्गीय डा. पौडेलको पत्नी राधा पौडेलको परिवारले अक्षयकोष स्थापनाको लागि २ लाख ५० हजार रुपैयाँको चेक सिस्नुपानीका अध्यक्ष राजकुमार लामिछानेलाई मंगलबार हस्तान्तरण गर्नुभएको छ ।
हेटौंडामा रहेको कृषि विकास बैंक शाखामा उक्त अक्षयकोषको खाता बिहीबार खोलिएको अध्यक्ष लामिछानेले बताउनुभयो । अक्षयकोषबाट प्राप्त ब्याज हास्यव्यङ्ग्य क्षेत्रमा योगदान पुर्याउने एक जना साहित्यकारलाई आगामी वर्षदेखि २० हजार रुपैयाँभन्दा बढी राशीको पुरस्कार प्रदान गरिने बताईएको छ ।स्वर्गीय पौडेलको जन्मदिनको अवसर पारेर फागुन ७ गते उहाँको स्मृतिमा उक्त पुरस्कार प्रदान गरिने लामीछानेले जानकारी दिनुभयो ।
