हेटौंडाः आज दिउँसो २ बजेको समयमा हेटौंडा–५ स्थित राधाकृष्ण मन्दिर नजिक मोटरसाइकल दुर्घटना हुँदा एक जनाको मृत्यु भएको छ । हेटौंडा बजारबाट क्याम्पाडाँडा तर्फ जाँदै गरेको प्र ०३.००४ प १५९९ मोटरसाइकल र बिपरित दिशाबाट आउँदै गरेको ना ५१ प ७३५९ नम्बर को मोटरसाइकल ठक्कर खादा प्र ०३.००४ प १५९९ नम्बर मोटरसाइकल चालक हेटौंडा १८ ठुल्दमारका २५ वर्षीय बिशाल थापा को मृत्यु भएको हो ।
मृतक बिशाल थापाको शव हाल पोष्टमार्टमको लागि हेटौंडा अस्पतालमा रहेको प्रहरीले जनाएको छ । त्यसैगरी ना ५१ प ७३५९ नम्बर को मोटरसाइकल चालक हेटौंडा १८ फुर्केचौरका २३ वर्षीय सुमन थापा र उक्त मोटरसाइकल पछाडी सवार सोही स्थानका २५ वर्षीय लक्षमण आचार्य घाइते भर्इ हेटौंडा अस्पताल लेराइएकोमा सुमन थापालाई थप उपचारको लागि चितवन रिफर गरिएको प्रहरीले जनाएको छ । लक्ष्मण आचार्यको अवस्था सामान्य रहेको जिल्ला प्रहरी कार्यालय मकवानपुरले जानकारी दिएको छ ।
