हेटौंडाः लागुऔषध गाँजासहित प्रहरीले ३ जनालाई पक्राउ गरेको छ । ९६ किलो ८ सय ४० ग्राम गाँजा र अटोसहित ३ जनालाई मकवानपुरको प्रहरीले पक्राउ गरेको हो । पक्रउ पर्नेमा अटो चालक भिमफेदी गाउँपालिका–२ रिठ्ठेपानी बस्ने ३० वर्षीय अभिषेक लामा, अटोमा सवार कैलाश गाउँपालिका–९ खैराङका ३७ वर्षीय ज्ञन बहादुर गोले र कैलाश–१० का ४९ वर्षीय चन्द्र लामालाई प्रहरीले नियन्त्रणमा लिएको हो ।
सोमबार दिउँसो २ बजेको समयमा नामटारबाट खटिएको प्रहरी टोलीले भिमफेदि गाउँपालिका–९ चुनियाँबाट अटोमा सवार गाँजासहित तिन जनालाई नियन्त्रणमा लिएको प्रहरीले जनाएको छ । चुनियाँबाट हेटौंडा बजारतर्फ आउँदैगरेको ना २ ह ३५३६ नम्बरको अटोलाई चेकजाँच गर्दा अटोमा लुकाई छिपाई ल्याएको अवस्थामा गाँजा फेला परेको हो । अटोसहित ३ जनालाई प्रहरीले नियन्त्रणमा लिई थप अनुसन्धान गरिरहेको जिल्ला प्रहरी कार्यालय मकवानपुरले जानकारी दिएको छ ।
