हेटौंडाः प्रहरीले लागु औषधसहित २ जनालाई पक्राउ गरेको छ । नाईट्राभेट ५ सय ३८ ट्याबलेटसहित प्रहरीले २ जनालाई पक्राउ गरेको हो । शनिबार दिउँसो साढे ४ बजेको समयमा ईलाका प्रहरी कार्यालय भिमफेदीबाट खटिएको प्रहरी टोलीले भिमफेदी वडा नम्बर ६ स्थित सडकमा सुमोमा सवार २ जनालाई लागुऔषधसहित नियन्त्रणमा लिएको हो ।
बिरगंजबाट काठमाडौं जाँदै गरेको ना १ ज ३५५३ नम्बरको यात्रुबाहक सुमोलाई रोकी चेकजाँच गर्दा उक्त सुमोमा सवार तनहु जिल्ला देबघाट गाउँपालिका वडा नम्बर ४ बस्ने २१ वर्षीय सरोज भुजेल र धुलीखेल नगरपालिका वडा नम्बर ९ बस्ने २३ वर्षीय जंग बहादुर तामाङलाई पक्राउ गरेको हो । उनीहरुको साथबाट प्रहरीले लागु औषध नाईट्राभेट ५ सय ३८ ट्याबलेट फेला पारेको थियो । प्रहरीले लागुऔषधसहित उनीहरुलाई नियन्त्रणमा लिई थप अनुसन्धान भईरहेको जनाएको छ ।
