मौलाकालिका (गैंडाकोट): स्वतन्त्र पत्रकार संघ नेपालको अध्यक्षमा पोखराका कृष्ण प्रसाद बास्तोला चयन हुनुभएको छ । शनिबार गण्डकी प्रदेशको नवलपुर जिल्लाको गैंडाकोट नगरपालिकामा शनिबार सम्पन्न १०औं वार्षिक साधारण सभा तथा चौथो अधिवेशनबाट सर्वसम्मत बास्तोलाको अध्यक्षतामा १७ सदस्यीय समिति चयन गरेको हो ।
अधिवेशनबाट वरिष्ठ उपाध्यक्षमा केबी सम्राट, उपाध्यक्षमा कास्कीकी लक्ष्मी तृष्णा, बाँकेका नीरज गौतम, रुपन्देहीका वीरेन्द्र पाण्डे चयन भएका छन् । यस्तै, महासचिवमा काठमाडौंका महेश विक्रम कुँबर, उपमहासचिवमा मकवानपुरका सुरेश श्रेष्ठ, भक्तपुरका रत्नकाजी प्रजापति र कास्कीका कल्याण पन्त चयन भएका छन् । समितिको कोषाध्यक्षमा ललितपुरका बद्रि बहादुर इलाल, सहकोषाध्यक्षमा रुपन्देहीकी सीता दर्नाल चयन भएका छन् । त्यसैगरी समितिको सदस्यहरुमा शरद शर्मा(दाङ), प्रेम बहादुर बुढाथोकी(रुपन्देही), निरु पोखरेल(सुनसरी), जोव सागर जीएम(दाङ), दीपक कुमाल(दाङ) रहेका छन् ।
