हेटौंडाः हेटौंडाबाट प्रकाशित हुँदै आएको समृद्ध समाज राष्ट्रिय दैनिकका सम्पादक सुरेश श्रेष्ठ सम्मानित हुनुभएको छ । श्रेष्ठलाई स्वतन्त्र पत्रकार संघ नेपाल लमजुङ शाखाले ७ हजार ५ सय रुपैयाँ नगदसहित सम्मान गरिएको हो ।
स्वतन्त्र पत्रकार संघ नेपाल मकवानपुरको शाखा अध्यक्षको भूमिकामा रहेर स्वतन्त्र पत्रकारितामा पुर्याएको योगदानको कदर गर्दै नवलपुर जिल्लाको गैंडाकोट नगरपालिकामा शनिबार सम्पन्न स्वतन्त्र पत्रकार संघ नेपालको १०औं वार्षिक साधारण सभा तथा चौथो अधिवेशनमा श्रेष्ठलाई सम्मानित गरेको हो । श्रेष्ठ हेटौंडाबाट प्रसारण हुने रेडियो निकासका स्टेसन म्यानेज र मकवानपुर बहुमुखी क्याम्पसका पत्रकारिता विषयका प्राध्यापक समेत हुनुहुन्छ । यस्तै, कार्यक्रमले कास्कीकी तृष्ण लक्ष्मी गुरुङ र बर्दियाको भावुक योगीलाई पनि सम्मानित गरिएको छ ।
कोभिड १९ को कारण रोकिएको पुरस्कार चौथो अधिवेशनमा एकैचोटी ३ पुरस्कार वितरण गरिएको छ । लिला भक्त आचार्यद्वारा स्थापित सामाजिक पत्रकारिता पुरस्कार २०७७ र २०७८ बाट क्रमश बरिष्ठ पत्रकार भूपनीधि पन्त(कास्की) र मोहन भण्डारी(मोरङ) सम्मान एवम् पुरस्कृत गरिएको छ । त्यसैगरी चन्द्रकान्त पौडेल(गोरखापत्र बाजे) को स्मृतीमा स्थापित युवा प्रोत्साहन पुरस्कार २०७७ र २०७८ बाट नमस्कार शाह(बाँके) र नरेन्द्र ढकाल(झापा) लाई प्रदान गरिएको छ । यस्तै, महिला सम्मान पुरस्कार २०७७ र २०७८ सविता तिवारी(नवलपुर गैडाकोट) र डिला कुमारी चौधरी(दाङ) लाई प्रदान गरिएको छ ।
