हेटौंडाः हेटौंडामा स्थानीय तह चौथो शहीद स्मृति गोल्डकप फुटबल प्रतियोगिता हुने भएको छ । जेठ १९ गतेदेखि २८ गतेसम्म सञ्चालन हुने प्रतियोगिताबारे बिहीबार पत्रकार सम्मलेन गरेर जानकारी गराएको छ ।
प्रतियोगितामा ए डिभिजन क्लबसहित १० वटा टिमको सहभागिता रहने प्रतियोगिताका संयोजक प्रताप विष्टले जानकारी दिनुभयो । प्रतियोगितामा प्रथम हुने टिमले नगद १५ लाख रुपैयाँ प्राप्त गर्ने छ । उपविजेता टिमले नगद १० लाख रुपैयाँ प्राप्त गर्नेछ । उत्कृष्ट फरवार्ड, डिफेन्डर, गोलकिपर, कोच र स्कोररले जनही २५ हजार रुपैयाँ प्रप्त गर्ने छन् ।
मकवानपुरका स्थानीय तहहरुको लगानीमा हुने प्रतियोगिताको लागत १ करोड १७ लाख रुपैयाँ अनुमान गरिएको छ । हेटौंडा–५ स्थित पिप्ले–क्याम्पा रंगशालामा प्रतियोगिता आयोजना हुनेछ । पत्रकार सम्मेलनमा मकवानपुर जिल्ला फुटबल संघका अध्यक्ष टिका लामा, मकवानपुर जिल्ला खेलकुद विकास समितिका अध्यक्ष भेष खड्गीको पनि उपस्थिति रहेको थियो ।
